Pamumuhay ng mga Pilipino bago dumating ang Espanya

Isa sa mga naging usap-usapin kung ano ang kultura ng mga Pilipino noong wala pa ang mga Kastila. Ano nga ba ang orihinal na mga kultura na galing sa mga ninuno natin? Mayroon na ba tayong sariling kultura simula pa noon, na tuluyan ng nakalimutan at napalitan ng mga kulturang banyaga?

Sa ating panahon ngayon, hindi tayo nakakasiguro kung isang katotohanan nga

ba ang mga natutuhan natin galing sa mga eksperto sa pag-aaral ng ating kasaysayan o kung ito ay isang haka-haka lamang. Dahil wala pa tayong sapat na ebidensya at hindi tayo nabuhay sa panahon na 'yon para mapatunayan nating tama ang sinasabi nila.

Kung tutuusin ay malayo sa katotohanan ang mga datos na nakalap nila. Sapagkat sa mga panahong 'yon. Wala pang gaanong alam ang mga tao sa mundo. Maaaring mga inosente pa sila sa mga bagay-bagay at ang tanging tumatakbo sa isip nila ay ang kanilang mga pangunahing pangangailangan tulad ng makakain, maiinom, at masisilungan. Lingid pa sa kanilang kaalaman ang mga bagay upang masabi na sila ay mayroong kultura.

Siguro ay dahil din dito, ay tinawag na mga "indio" ng mga Kastila ang mga Pilipino noon. Dahil sa paraan ng kanilang pag-iisip na kung saan ang tanging prayoridad lamang nila ay ang kanilang mga sarili at sa kawalan ng sistema sa kanilang pamumuhay.